Skólaheimsókn Orka

Jarðhitasýningin er kjörinn staður fyrir nemendur til að fræðast um endurnýjanlega orku, sjálfbærni, jarðvarmaauðlindir, jarðfræði, kolefnisföngun, og kolefnisförgun.

Reyndir vísindamiðlarar miðla þekkingu á lifandi og aðgengilegan hátt fyrir nemendur á öllum aldri og menntunarstigi.

Skólaheimsóknir fela í sér 20–25 mínútna kynningu þar sem farið er yfir jarðfræði Íslands, jarðhitaumhverfið og hvernig jarðvarmi er nýttur til orkuframleiðslu, dreifingar og varanlegrar kolefnisbindingar með Carbfix-aðferðinni.

Heimsóknirnar eru sérsniðnar að þörfum hvers hóps og endurspegla námsefni eða markmið nemenda.

Nemendur eru hvattir til að spyrja spurninga og taka virkan þátt í heimsókninni. Að kynningu lokinni er þeim velkomið að skoða sýninguna á eigin hraða.