Svæðið
Hengill og Kolviðarhóll
Kynntu þér Hengilssvæðið
Landslag mótað af
náttúrunni og tíma
Jarðhitasýningin er staðsett í Hellisheiðarvirkjun, mitt á milli Reykjavíkur og Selfoss. Hengilssvæðið er einstök útivistar- og náttúruperla þar sem fjölbreytt landslag, jarðhiti og orka móta ógleymanlega upplifun. Á svæðinu eru yfir 130 km af stikuðum gönguleiðum og er svæðið aðgengilegt allt árið með réttum búnaði.
Hengilssvæðið hefur jafnframt djúpa sögulega skírskotun, þar sem Hellisheiði hefur um aldir verið ein helsta samgönguleiðin til og frá Reykjavík.
Hengillinn
Hengilssvæðið er sannkölluð paradís fyrir náttúruunnendur. Fjölbreyttar gönguleiðir, stórbrotin fjallasýn, gufustrókar og náttúrulegar heitar uppsprettur laða að sér gesti víðs vegar að úr heiminum.
Hengillinn er staðsettur á Eldfjallaleiðinni og er jafnframt vinsæll viðkomustaður á Gullna hringnum og á leið inn á Suðurlandið. Þar gefst ferðafólki einstakt tækifæri til að upplifa krafta náttúru Íslands og tengja landslagið við orku, menningu og sögu landsins.
Austan megin við Hengilinn liggur Reykjadalur, eitt þekktasta jarðhitasvæði landsins, þar sem hægt er að baða sig í heitri á í fallegu og friðsælu umhverfi.
Jarðhitasýningin er staðsett í Hellisheiðarvirkjun, í nágrenni Hveragerðis og Selfoss, á leiðinni yfir Hellisheiði. Hún er því tilvalið stopp á alfaraleið fyrir alla sem vilja kynnast jarðhita og náttúru svæðisins.
Þetta getur þú gert á Hengilssvæðinu
Heimsókn á Jarðhitaýninguna getur verið hluti ferð um svæðið. Vinsæl afþreying og áhugaverðir staðir á svæðinu:
Heimsækja hraunhelli (Raufarhólshelli)
Renna sér niður zipline línu yfir Svartagljúfur
Reiðtúr um fallegar reiðleiðir
Baða sig í heitum læk og sundlaug
Fjallahjólaferð
Kajakferð við ströndina
Kolviðarhóll
Hlið inn á Hengilinn
Við hlið Hellisheiðarvirkjunar er Kolviðarhóll, sem var eitt sinn vel þekktur áningarstaður ferðalanga yfir heiðina sem og skíðasvæði hér áður fyrr.
Hægt er að ganga upp á Kolviðarhól og sjá rústir gamla hússins og leifar af skíðastökkpalli vinstra megin við Bústein en svæðið er gamalt skíðasvæði.
Bókaðu heimsókn
Hvort sem þú kemur til að skoða, njóta eða fræðast, er Hengillinn svæði sem býr yfir mikilli orku og sögu.
