Kraftur + Carbfix

Þessi ítarlega heimsókn sameinar upplifunina í Krafti og leiðsögn um Carbfix. Gestir fá einstaka innsýn í íslenska jarðvarmavinnslu, nýsköpun í kolefnisbindingu og starfsemi Orku náttúrunnar, Carbfix, Jarðhitagarðsins og Orkuveitu Reykjavíkur.

Þessi ítarlega heimsókn sameinar upplifunina í Krafti og leiðsögn um Carbfix. Gestir fá einstaka innsýn í íslenska jarðvarmavinnslu, nýsköpun í kolefnisbindingu og starfsemi Orku náttúrunnar, Carbfix, Jarðhitagarðsins og Orkuveitu Reykjavíkur.

Heimsóknin er sérstaklega ætluð fagfólki, háskólasamfélaginu og öðrum sem vilja öðlast dýpri skilning á íslenskri jarðvarmavinnslu, rekstri og nýsköpun á sviði orku- og loftslagslausna.

Heimsóknin tekur um 1,5–2 klukkustundir og meðal umfjöllunarefna eru:

• Orkuframleiðsla og dreifing við Hellisheiðarvirkjun

• Rekstur Orku náttúrunnar og Orkuveitu Reykjavíkur

• Leiðsögn um Carbfix niðurdælingarholu og nærliggjandi svæði

• Ítarleg útskýring á kolefnisbindingarferli Carbfix – frá föngun koltvísýrings til varanlegrar bindingar í basalti.

• Kynning á Jarðhitagarði Orku náttúrunnar.

• Rannsóknar- og þróunarverkefni í gangi

Lögð er áhersla á opið samtal við vísindamiðlara okkar þar sem gestum gefst kostur á að spyrja spurninga og ræða efnið. Fyrri hluti heimsóknarinnar fer fram í fundarrými en síðari hlutinn felur í sér vettvangsheimsókn að niðurdælingarsvæði Carbfix, að því gefnu að veður og aðstæður leyfi.

Hægt er að bæta við veitingum gegn aukagjaldi, svo sem íslensku kaffi og kleinum.